|
Вёска ў
Лелюкінскім сельсавеце. Паводле пісьмовых
крыніц вядома з XVI ст. у складзе маёнтка
Іўе
Ашмянскага павета Віленскага ваяводства. У 1561
г. 14 дымоў, 14 валок зямлі. Уласнасць Кішкаў. У
XIX — пачатку XX ст. вёска ў
Лугамавіцкай воласці Ашмянскага павета
Віленскай губерні. У 1861 г. у в. Мішуковічы,
суседніх вёсках Пацельцы, Мяцішча, засценку
Фальварак (цяпер не існуюць) 84 рэвізскія душы.
У 1897 г. 39 двароў, 336 жыхароў, у 1909 г. 25
двароў, 156 жыхароў, 271 дзесяціна зямлі. У
1921-1939 гг. у Лугамавіцкай гміне Валожынскага
павета Навагрудскага ваяводства Польшчы. У 1921
г. 44 двары, 210 жыхароў. 3 12.10.1940 г. вёска
(66 двароў, 328 жыхароў) у
Бараўскім, з
16.7.1954 г. у Лелюкінскім сельсаветах
Юрацішкаўскага, з 20.1.1960 г. Іўеўскага раёнаў.
Дзейнічала пачатковая школа. У 1950 г.
арганізаваны калгас «Перамога». 3 1954 г. у
калгасе «Зара», з 1975 г. у калгасе імя
М.І.Калініна, з 1986 г. у калгасе «Савецкая
Беларусь». У 1970 г. 162 жыхары. Цяпер у складзе
калгаса «Беларусь». У 1999 г. 26 двароў, 33
жыхары. Вёска знаходзіцца ў зоне радыяцыйнага
кантролю.
Крыніца:Памяць:
Іўеўскі раён. - Мінск: Белта, 2002.
|
